22 қарашада Жұбан Молдағалиев атындағы Батыс Қазақстан облыстық орталық әмбебап ғылыми кітапханасында Еңбек кодексінің 139-бабының 7-тармағына, «Мәдениет туралы» Заңының 9-бабының 5 тармақшасына және Қазақстан Республикасы Мәдениет және спорт министрінің «Мемлекеттік мәдениет ұйымдарының азаматтық қызметшілерін аттестаттаудан өткізудің қағидалары мен шарттарын бекіту туралы» 2016 жылғы 29 маусымдағы № 189 бұйрығына сәйкес кітапхана қызметкерлері аттестациялаудан (І-кезеңі, тестілеу) өтті.

Аттестацияның екінші күні қызметкерлер әңгімелесу арқылы өз жұмыстарын қорғап шықты. ҚР Ұлттық кітапханасының директоры, Қазақстандық Кітапханалық Одақ төрағасы, аттестациялық комиссия төрайымы Б.Қ.Оспанова өткен аттестацияны қорытындылап, қызметкерлердің сұрақтарына жауап берді.