2022 жылдың 14 қазаны күні Ақжайық ауданының аудандық кітапханасында көрнекті ақын, аудармашы, әдебиеттанушы-ғалым Сағынғали Сейтовтің 105 жылдығына орай өнегесін ұлықтау мақсатында «Талант парасаты: екі ғасырмен егіз өрілген өмір» атты кешенді шарасы ұйымдастырылып, шара барысында Ақжайық аудандық орталықтандырылған кітапханалар жүйесінің ауылдық кітапханаларының кітапханашыларымен Ж.Молдағалиев атындағы облыстық әмбебап ғылыми кітапханасының кітапханаларды дамыту бөлімінің әдіскерлері "Кітапханадағы тайм-менеджмент: уақытты тиімді пайдалану" тақырыбындағы тренингін өткізді.
Заманауи кітапханашының қасиеттері және оның жұмыс барысында кездесетін кедергілері, оны жеңу жолдарын анықтау туралы тренинг өткізілді. Көбіне заманға сай жеке брендісін қалыптастырған маман болуға уақыт тапшы болып жатады. Өмірде қайтарып алуға болмайтын бір-ақ нәрсе бар, ол- уақыт екенін, осы алтын уақытты қалай дұрыс пайдалануға болатынын үйренуіміз керек екені айтылды. Әрі қарай Тайм-менеджменттің мәні, бұл саланың негізін қалаушы Г.Архангельскийдің "Уақытты ұйымдастыру", "Тайм-драйв" еңбектері туралы айтылып, уақытты пайдаланудың 7 алтын ережесі ұсынылды. Әрі қарай Эйзенхауэр матрицасы түсіндіріліп, 4 топқа матрица негізінде кітапхана жұмыстарын басымдықтарына қарай 4 санатқа бөліп жазу, "Уақытты жұтушы" 30 кедергінің ішінен өздеріне қатысты 5-еуін таңдап жазу сияқты тапсырмалар орындалды. Тренинг барысында атақты мотиваторлар Р.Кийосаки, С.Давлатовтың уақытты дұрыс пайдалану туралы лайфхактарымен бөлісілді. Одан әрі кітапхашылардың ассоциативті ойлау, білім, дағдыларын іс жүзінде іске асыра білу қабілеттерін шыңдау мақсатында "Өрмекші торы" деп аталатын тренингпен жалғасты. Кітапханашылар белсенді түрде қызығушылықпен қатысты.
